For å gi deg den beste opplevelsen, brukes informasjonskapsler på dette nettstedet. Finn ut mer her.

Allow cookies
Utforsk Telemark

English

Norsk

Telemarkskanalen

TypeArkitektur

3880, Dalen

Legg Telemarkskanalen til i reiseruten din.

Telemarkskanalen

Om

Telemarkskanalen vart hoggen inn i fjellet for godt over 100 år sidan. Då kanalen stod ferdig i 1892 vart den i Europa skildra som eit «åttende underverk». 500 mann hadde då arbeid i fem år med å sprenge seg veg gjennom fjellet. Mykje av den fyrste trafikken var knytt til brynesteintransporten frå brota i Eidsborg i vestre ende av kanalen. I dag er Telemarkskanalen ein stor turistattraksjon og dei gamle rutebåtane tek deg attende i tid i eit variert landskap.


Telemarkskanalen blei fullført i 1892 og har 18 sluser som lyfter dei sjøfarande frå 0 til 72 m.o.h. på den 105 km lange strekninga frå Skien til Dalen og fjordlandskapet. Nyt denne reisa frå dekk på ein av dei gamle rutebåtane MS Victoria eller den flotte, nyrestaurerte MS Henrik Ibsen!
I dag er Telemarkskanalen ein stor turistattraksjon og dei gamle rutebåtane tek deg attende i tid i eit variert landskap.

Telemarksvassdraget, som renn frå foten av Hardangervidda og ut til kysten ved Skien, har alltid vore ein av dei viktigaste ferdsels- og transportvegane for dei som har levd i området. Brynesteinen frå Eidsborg er eit særmerkt produkt som fann vegen ut i den store verda gjennom telemarksvassdraget. Frå minst tusen år tilbake gjekk det lass på lass med stein ned berget her til Lastein, der ein la steinen i la, for så å lesse over i pråmar, flåtar eller kjelkar og føre den nedover vassdraget. Men vassvegen hang lenge ikkje saman i ein spegel, og forbi stryk og fossar måtte varene bli lessa over på hesteryggen eller sledar. Etappene var mange før ein kom fram til handelsstaden ved havet.

På 1600-talet fekk tømmeret stadig større verdi, og ein måtte stadig lengre inn i landet for å finne virke til skipsbyggjing i England og pålar i Holland. Slik vart tømmerhogsten og fløtinga ein viktig del av næringsgrunnlaget, så langt inn vassdraga gav veg.
Landbruksprodukt som smør, kjøt, og skinn og huder fann same vegen, og motsett kom kjøpevarer frå byen, nyhende og impulsar.
Frå dei mange bondegruvene og større gruveverksemdene som på Åmdals Verk og Gulnes, var det òg malm og mineral som skulle førast ut, og den naturlege vegen var vassvegen.   

Bandak – Nordsjøkanalen blei tekje i bruk i 1892, og portar og luker blir framleis bruka på same måte som når den blei bygt. Dette gjorde at tømmerslusing krevde eit stor mannskap, noko som gjorde at slusinga etter kvart vart for kostbart. Det jobba til tider 21 mann med sjølve slusinga.

Det spesielle med fløtninga i Bandakvassdraget var at ein fløta buntar av tømmer og ikkje laustømmer slik som i ein del andre vassdrag. Dette var på den tid veldig rasjonelt. Eit slep etter slepebåten Axel var på 200-250 buntar og om lag borti 5.000 m³.

I 1980 vart fløtninga i Bandak- Nordsjøkanalen gjennom slusene slutt. Tømmeret vart fløta frå Dalen til strengen og køyrd vidare med bil til Skien og Kragerø. I desse tider var det tansportert om lag 60-70.000 m³ tømmer i vassdraget. Etter kvart gjekk dette kraftig ned.

Tømmertransporten har tidlegare vore kanalen sin viktigaste brukar og inntektskjelde i tillegg til båttrafikken. No er det slutt på fløtninga. Siste slepet gjekk ut Bandak sommaren 2004.

Rutetider og prisar

TripAdvisor

Kart

Kontakt

+47 409 20 000

Også i nærheten

  1. Dalen Bryggjeutstilling

    Dalen Bryggjeutstilling "Nærare naturen" med foto av Jostein Hellevik, og ei utstilling…

    37 m Unna
  2. Soria Moria Sauna

    Soria Moria sauna og kunstinstallasjon på Dalen

    457 m Unna
  3. Historiske Dalen Hotel

    Dalen Hotel, eventyrhotellet fra 1894 i overdådig, romantisk stil.

    764 m Unna
  1. Rui-plassen

    Den kjende plassen Rui der Rui-jentene kom frå.

    786 m Unna
  2. Eidsborg stavkyrkje

    Sjarmerande, lita stavkyrkje ( stavkirke ). Ligg ved fantastiske Vest-Telemark Museum…

    2.20 km Unna
  3. Vest-Telemark Museum Eidsborg

    Eit stort moderne museum med stavkyrkje, aktivitetspark, bygdetun og flotte utstillingar.…

    2.40 km Unna
  4. Brynesteinsbrot i Eidsborg

    I 1000 år har Eidsborg og Lårdal hatt eksportindustri. For norske vikingar var brynestein…

    3.04 km Unna
  5. Grimdalstunet

    Heimen til bilethoggaren Anne Grimdalen er den best bevarte komplette fjellgarden i…

    5.88 km Unna
  6. Ravnejuv

    350m høgt stup med oppdrift!

    7.04 km Unna
  7. Åmdals Verk gruver

    Åmdals Verk Gruver er bygd opp kring arbeidarkulturen som koparverket la grunnlag for.…

    8.18 km Unna
  8. Bandaksli Bryggje

    Idyllisk bryggje på sørsida av Bandak/Telemarkskanalen med overnattingstilbod for…

    10.14 km Unna
  9. Øverbø - Sondre's heim

    Øverbø er Sondre Norheim, den moderne skisportens far, sin fødeplass.

    21.11 km Unna
  10. Norsk Skieventyr i Morgedal

    Skimuseet i Morgedal formidlar Telemark og Noreg si skihistorie med interaktive…

    22.57 km Unna
  11. Kviteseid bygdetun

    Korleis såg ein velståande gard i Vest-Telemark ut for om lag 200 år sidan? Sjå nokre av…

    29.82 km Unna
  12. Veteranbåten MS Fram, Vrådal

    Veteranbåten M/S Fram seiler sightseeingturer fra Straand Brygge i Vrådal. Båten går i…

    29.83 km Unna
  13. Gullbring Kulturanlegg

    Regionalt kulturhus i Bø med idrettshall, svømmeanlegg, konsert- og teatersal, kino,…

    58.81 km Unna
Previous Next

Se også

Buøy Camping Dalen, TokkeBuøy Camping ligg på ei øy i elvedeltaet på Dalen. Hytter, rom og triveleg camping nær vatn.

Bandak Camping Lårdal, TokkeLiten og koseleg camping rett ved Bandak. Plassert mellom idyllisk badestrand og bryggje for båtane på Telemarkskanalen.

Lårdal Gjestebrygge, TokkeDen vakre grenda Lårdal har eit triveleg bryggeområde ved Telemarkskanalen.

Dalen Gjestehavn, TokkeHyggeleg gjestebryggje med flotte fasilitetar for deg med fritidsbåt. Kran og utsettingsrampe.

Rui-plassen, TokkeDen kjende plassen Rui der Rui-jentene kom frå.

Brynesteinsbrot i Eidsborg, TokkeI 1000 år har Eidsborg og Lårdal hatt eksportindustri. For norske vikingar var brynestein eit effektivt kastevåpen, slik sagaen fortel frå slaget ved Fimreite. Sjå innhaldsrik brynesteinsutstilling på Vest-Telemark Museum Eidsborg og vandre opp i brota.

Dalen Bed & Breakfast, TokkeHyggeleg overnatting hos belgisk vertskap i sentrum av Dalen. Her er det 11 gjesterom med totalt 25 sengeplassar. Rom både med og utan privat bad. Servering av frokost. Utleie av kano og sykkel.

Bobilparkering Dalen Bryggje, TokkeBobilparkering rett ved Telemarkskanalen og Dalen Bryggje.

Lindeviki kanocamp Telemarkskanalen, TokkeEtablert leirplass med toalett og område for telt.

Bandaksli Bryggje, TokkeIdyllisk bryggje på sørsida av Bandak/Telemarkskanalen med overnattingstilbod for syklistar og padlarar

Kroa - Dalen Storstue, TokkeKoseleg kro ved torget på Dalen